Bakıda 29 yaşlı kişi qısqanclıq zəminində həyat yoldaşına xəsarət yetirib. Hadisəni Şüvəlan qəsəbəsinin “Mayak” bağlar massivində Lerik sakini 1996-cı il təvəllüdlü Adəm öz evində törədib.
Məlumata görə, Adəm ilə həyat yoldaşı Naibə arasında şəxsi münasibətlərin pozulması səbəbindən mübahisə yaranıb. Mübahisə zamanı o, arvadının başından tutaraq divara vurub və bədəninin müxtəlif nahiyələrinə zərbələr endirib.
Faktla bağlı ona Cinayət Məcəlləsinin qəsdən sağlamlığa zərər vurma maddəsi ilə ittiham elan edilib. Məhkəmədə ifadə verən Adəm ittihamı qəbul edib, əməlinə görə peşman olduğunu bildirib.
Xəzər Rayon Məhkəməsində aparılan baxış zamanı tərəflərin barışdığı məlum olub. Zərərçəkmiş şəxsin şikayəti qalsa da, dəymiş ziyanın tam ödənməsi və barışıq nəzərə alınaraq, təqsirləndirilən şəxs Cinayət Məcəlləsinin 73.2-ci maddəsinə əsasən cinayət məsuliyyətindən azad edilib. İş üzrə icraata xitam verilib.
Qeyd edək ki, adlar şərtidir.
