Lənkəranın rəmzi sayılan samovar və onun yerləşdiyi Göyşaban dairəsindəki digər heykəllər baxımsız vəziyyətdədir. Bu haqda məlumatı Cenublu.az bu gün, 3 avqust tarixində verir.
Belə ki, Lənkəranın girişində yerləşən dairədə illərdir ki, təmir-bərpa işləri aparılmır. Vaxtilə gediş-gəlişli ərazidən istifadə İpək yolu çəkildikdən sonra azalıb.
“Lənkəranımızın simvolu olan samovarı və şəhərin girişi olan Göyşaban dairəsini bu vəziyyətdə görmək ürək ağrıdır. Düzdür, bura ötən illərə nisbətən daha az istifadə olunur. Turistlər, şəhərimizin qonaqları daim bu samovarla şəkil çəkdiriblər, indi isə vəziyyəti heç xoş deyil. Ümid edirik ki, yaxın zamanda ərazidə təmir-bərpa işləri görüləcək”, - deyə sakinlər bildiriblər.
[caption id="attachment_20887" align="alignnone" width="336"]
Foto Cenublu.az[/caption]
[caption id="attachment_20889" align="alignnone" width="336"]
Foto Cenublu.az[/caption]
