Lənkəranda gənclərin asudə zamanlarını əyləncəli və səmərəli keçirə bilmələri üçün yay düşərgəsi təşkil olunur. Bu haqda bu gün, 28 iyul tarixində Cenublu.az Lənkəran Şəhər Gənclər və İdman İdarəsinə istinadən xəbər verir.
Qaldığı yerdən davam edən düşərgə könüllülər tərəfindən gənclərlə birlikdə əyləncəli oyunlarla başlanılıb. Daha sonra gənclərin vətənpərvərlik tərbiyəsinin təmin edilməsi məqsədilə Vətən Müharibəsi Veteranlar İctimayi Birliyinin əməkdaşı Saleh Dostiyev və Vətən müharibəsi qaziləri onlarla söhbətlər aparıblar.
İdmanı, sağlam həyat tərzini təbliğ etmək məqsədilə idman müəllimi Fəzail Əbilov tərəfindən gənclər arasında “Şən startlar” yarışı keçirilib. Tədbir zamanı iştirakçılara “Maarifpərvərlik” Azərbaycan Gənclərinin İctimai Yardım Assosiasiyası (MAGİYA) İctimai Birliyinin sədri tərəfindən maraqlı və əyləncəli oyunlar təşkil olunub.
