Lənkəran şəhərində yerləşən kanalizasiya xəttinin vəziyyəti sakinlərin narazılığına səbəb olub.
Şikayətçilərin Cenublu.az-a bildirdiyinə görə, kanalizasiya bərəsi artıq bir ildən çoxdur ki, bu vəziyyətdədir. Dəfələrlə təmizlənəcəyi və betonlanacağı deyilsə də, indiyədək heç bir tədbir görülməyib.
Kanalizasiya xəttinin kənarına döşənən daşlar və beton bordürlər tədricən uçaraq bərənin içinə tökülür. Sakinlər qeyd edirlər ki, yol yeni asfaltlansa da, məhz bu kanalizasiya problemi səbəbindən asfalt örtüyü də dağılmağa başlayıb.
Eyni zamanda ərazidə quraşdırılan internet dirəyinin də artıq qəzalı vəziyyətdə olduğu bildirilir. Sakinlər aidiyyəti qurumlardan problemin aradan qaldırılmasını, kanalizasiya xəttinin betonlanmasını və yolun təhlükəsizliyinin təmin olunmasını xahiş edirlər.
