Lənkəranda müəllimlərin beynəlxalq qiymətləndirmə prosesi ilə bağlı məlumatlandırılması davam edir. Bu haqda bu gün, 28 iyul tarixində Cenublu.az Azərbaycan Respublikasının Təhsil İnstitutuna istinadən xəbər verir.
Tədbir ARTİ və Lənkəran-Astara Regional Təhsil İdarəsinin birgə təşkilatçılığı ilə keçirilib. Düşərgəyə Lənkəran-Astara Regional Təhsil İdarəsinin tabeliyində fəaliyyət göstərən ümumtəhsil məktəblərindən 35 müəllim qatılıb. Onlar Azərbaycanın iştirak etdiyi beynəlxalq qiymətləndirmələr barədə daha ətraflı məlumat alıb və tədqiqat metodologiyaları və nümunə sualları ilə tanış olublar.
Düşərgənin keçirilməsində əsas məqsəd təhsil işçilərinin, xüsusilə müəllimlərin beynəlxalq qiymətləndirmələr barədə məlumatlılığını artırmaqdır.
Qeyd edək ki, Beynəlxalq Qiymətləndirmə Düşərgəsi 30 iyul tarixinədək davam edəcək. Sonda iştirakçılara sertifikat təqdim olunacaq.
