Lənkəran şəhərində yerləşən bir neçə uşaq bağçasında bağça müəllimlərinə Həmkarlar Təşkilatı tərəfindən təqdim olunan Yeni il hədiyyələri narazılığa səbəb olub.
Müəllimlərin Cenublu.az -a verdiyi məlumata görə, onlara təqdim edilən hədiyyə bağlamalarındakı bütün şirniyyatlar İran istehsalıdır və məhsulların istifadə müddətinin bitməsinə çox az vaxt qalıb.
Şikayətdə qeyd olunur ki, məktəb müəllimlərinə bir növ, bağça müəllimlərinə isə fərqli və daha keyfiyyətsiz hədiyyə təqdim edilib. Bu hal bağça müəllimləri arasında ayrı-seçkilik kimi qiymətləndirilir və onların əməyinə yetərincə dəyər verilmədiyi fikrini formalaşdırır.
Müəllimlər məsələnin ictimailəşdirilməsini və aidiyyəti qurumların bu vəziyyətə münasibət bildirməsini xahiş edirlər.
