Lənkəranda Vətən müharibəsi zamanı şəhadətə ucalmış igid Zaur İsmayılzadənin xatirəsi əbədiləşdirilib. Bu haqda bu gün, 29 iyul tarixində Cenublu.az Lənkəran ŞİH-yə istinadən xəbər verir.
İstisu qəsəbəsində fəxrimizin xatirəsinə inşa olunan bulaq kompleksinin açılış mərasimi baş tutub. Tədbirdə Lənkəran ŞİH-nin başçısı Taleh Qaraşov, müharibə iştirakçıları, şəhid ailələri və qəsəbə sakinləri iştirak ediblər.
Bulaq kompleksinin açılış lentini Taleh Qaraşov Vətən müharibəsi şəhidi Zaur İsmayılzadənin anası Sevil Hüseynova ilə birgə kəsib.
Qeyd edək ki, şəhid Zaur İsmayılzadə döyüşlərdə göstərdiyi igidlik və şücaətə görə dövlət başçısının müvafiq sərəncamları ilə “Vətən uğrunda”, “Cəsur döyüşçü”, “Füzulinin azad olunmasına görə” və “Şuşanın azad olunmasına görə” medallarına layiq görülüb.
