Lənkəranda fermerlərə təlim keçirilib. Bu haqda məlumatı Cenublu.az bu gün, 1 avqust tarixində Aqrar Xidmətlər agentliyinə istinadən verir.
Təlim Lənkəranın Xolmili kəndində baş tutub. "Sudan qənaətlə istifadə etməklə damcı suvarma sisteminin tətbiqi" mövzusunda tədbir Aqrar Xidmətlər Agentliyinin Lənkəran Regional Təlim Mərkəzinin əməkdaşları tərəfindən aparılıb. Görüşdə agentliyinin əməkdaşları, fermerlər və mütəxəssislər iştirak ediblər. Bağçılığın salınmasında damcı üsulu ilə suvarmanın səmərəliliyi barədə ətraflı məlumatlar verilib və müzakirələr aparılıb.
Tədbirin sonunda fermerləri maraqlandıran suallar cavablandırılıb və onlara uyğun tövsiyələr verilib.
