Lənkəranda gənclərin marağına səbəb olan Gənclərin Yay Düşərgəsinə yekun vurulub. Bu haqda bu gün, 28 iyul tarixində Cenublu.az Lənkəran şəhər Gənclər və İdman İdarəsinə istinadən xəbər verir.
Lənkəran Şəhər Gənclər və İdman İdarəsi tərəfindən təşkil olunan düşərgə 3 gün davam edib. Layihənin 3-cü günündə balacalar Lənkəran Şəhər Heydər Əliyev Mərkəzi, Lənkəran Tarix-Diyarşünaslıq Мuzeyi və Həzi Aslanovun Ev-Muzeyində olublar. Düşərgə iştirakçılarına Azərbaycan tarixində müstəsna xidmətləri olan şəxsiyyətlər haqqında məlumatlar verilib.
Tədbirin keçirilməsində əsas məqsəd uşaqların hərtərəfli inkişafını təmin etmək olub. İştirakçılara təşkilatçılar tərəfindən sertifikatlar verilib.
