Lənkəran şəhərinin mərkəzində yerləşən, el arasında “Dosa” parkı kimi tanınan Heydər Əliyev parkındakı fəvvarə baxımsız vəziyyətdədir. Bu haqda məlumatı Cenublu.az bu gün, 3 avqust tarixində verir.
Belə ki, sakinlərin sözlərinə görə, fəvvarə çox nadir hallarda işə salınır. “Fəvvarə sanki görüntü yaratmaq üçün tikilib. Axı fəvvarə hər bir şəhər arxitekturasının əsas simvolundan biridir. Yaydır. Şəhərimizdə çoxsaylı qonaq və turistlər var. Axşamlar parka çıxıb fəvvarəyə tamaşa edərək ruhumuzu dincəldib, mənəvi rahatlıq tapa bilərik. Amma işlətmirlər”, - deyə sakinlərdən biri söyləyib.
“Fəvvarənin suyu çirklənib, lil ilə dolub. Ətrafı həşəratlarla doludur. Kranını ərp basıb. Parkın gözəlliyi bu fəvvarədir, o da bu vəziyyətdə”, - deyə digər sakin bildirib.
