Lənkəran Ağır Cinayətlər Məhkəməsinin hökmü ilə azadlıqdan məhrum olunan Kürdəmir Mənzil İstismar Sahəsinin rəisi Sərvər Məmmədov azadlığa buraxılıb. Bu haqda məlumatı Cenublu.az bu gün, 2 avqust tarixində Apa.az-a istinadən verir.
Belə ki, 2 il 6 ay müddətinə azadlıqdan məhrum olunan və müddətin 2 ilini həbsxanada çəkən Sərvər Məmmədovun cəzasının qalan hissəsi Şirvan Apellyasiya Məhkəməsinin qərarı ilə 500 manat cərimə ilə əvəz olunub.
O, məhkəmə zalından birbaşa azadlığa buraxılıb.
Qeyd edək ki, Sərvər Məmmədov Baş Prokuror yanında Korrupsiyaya qarşı Mübarizə Baş İdarəsi tərəfindən 2020-ci ilin avqust ayında Kürdəmir rayonunda keçirilən əməliyyatla rayonun sabiq icra başçısı Ceyhun Cəfərov və digər vəzifəli şəxslərlə birgə həbs olunmuşdur.
