Bu gün Vətən müharibəsi şəhidi, qəhrəman igid Nurlan Əbilovun mövlud günüdür.
Nurlan Fərrux oğlu Əbilov 2 avqust 1994-cü ildə Masallı rayonunun Ağakişibəyli kəndində anadan olub. Atasını uşaq ikən itirib. Orta təhsil aldıqdan sonra Bakı Dövlət Universitetinin Coğrafiya fakültəsinə qəbul olunub, lakin anasının vaxtsız ölümü onu təhsilini dondurmağa məcbur edib. Vətən müharibəsi zamanı 8 oktyabr tarixində Füzuli istiqamətində gedən döyüşlərdə baş nahiyəsindən ağır yaralanıb və Silahlı Qüvvələrin Baş Klinik Hospitalına yerləşdirilib. Hospitalda yatan zaman İlam Əliyevin sərəncamı ilə “Füzulinin azad olunmasına görə” medalı ilə təltif olunub.
Nurlan Əbilov 19 aprel 2021-ci ildə müalicə aldığı Silahlı Qüvvələrin Baş Klinik Hospitalında şəhid olub. Nəşi Masallı rayonunun Şərəfə kəndində torpağa tapşırılıb. Ölümündən sonra “Vətən uğrunda” və “Cəsur döyüşçü” medalları ilə təltif olunub.
Vəfatından sonra yarımçıq qoyduğu ali təhsil haqda diplom ailəsinə təhvil verilib. Özündən sonra iki azyaşlı övladı əmanət qalıb.
