Masallı, Astara və Yardımlı rayonlarından olan şəhid və qazi övladları və müsabiqədə (intellektual, yaradıcı, idman, bilik) qalib olanlar Şüvəlan qəsəbəsində yerləşən Respublika Uşaq İstirahət və Sağlamlıq Mərkəzində təşkil olunmuş düşərgəyə yola düşüblər. Bu haqda məlumatı Cenublu.az bu gün, 2 avqust tarixində Masallı rayon Gənclər və İdman İdarəsinə istinadən verir.
Düşərgənin ilk günü gənclərlə asudə vaxtın səmərəli təşkili və dəyərləndirilməsi mövzusunda müzakirələr aparılıb və iştirakçılar üçün müxtəlif fəaliyyət istiqamətlərini əhatə edəcək maraqlı proqram təqdim olunub.
Qeyd edək ki, Gənclər və İdman Nazirliyinin təşkilatçılığı ilə keçirilən düşərgə 10 gün müddətində davam edəcək.
