Cəlilabadda gənclər arasında mübahisə zamanı 17 yaşlı yeniyetmə bıçaqlanıb.
Cenublu.az xəbər verir ki, hadisə şəhər mərkəzində, Heydər Əliyev Seyrəngahı ərazisində qeydə alınıb. Mübahisə nəticəsində Cəlilabad rayonunun Uzuntəpə kənd sakini, 2009-cu il təvəllüdlü M. Əsgərəli bıçaq xəsarətləri alıb. O, Cəlilabad Rayon Mərkəzi Xəstəxanasına yerləşdirilərək ilkin tibbi yardım alıb və vəziyyətinə uyğun olaraq cərrahi əməliyyat olunub.
Həkimlər onun vəziyyətini stabil qiymətləndirirlər.
Hadisəni törətməkdə şübhəli bilinən şəxs isə polis əməkdaşları tərəfindən saxlanılıb.
Faktla bağlı araşdırma aparılır.
