Ali məktəblərdə qış imtahan sessiyası davam edərkən, Lənkəran Dövlət Universiteti imtahan sistemi ilə fərqlənir. Universitetdə tələbələr imtahan və kollokvium gününü və saatını tam sərbəst şəkildə özləri seçirlər.
AzEdu.аz xəbər verir ki, tələbələr elektron kabinet vasitəsilə imtahan gününə qədər istənilən vaxt seçimlərini dəyişə, hətta imtahan zamanı fikrini dəyişərək başqa fəndən imtahan verə bilərlər. İştirak edə bilməyən tələbələrə də sonradan vaxtı yenidən seçmək imkanı yaradılır.
Tələbələr imtahanları istədikləri ardıcıllıqla, aralarda fasilə saxlayaraq və ya sessiyanın əvvəlində və sonunda verə bilirlər. Artıq 4 ildir tətbiq olunan bu sistem Azərbaycan universitetləri arasında ilk hesab olunur.
