2 avqust - Azərbaycan Kinosu Günü və kino işçilərinin peşə bayramı
münasibətilə Astara rayon MM Pensər kənd folklor evində tədbir keçirilib. Bu haqda məlumatı Cenublu.az Folklor Evinə istinadən verir.
Tədbiri Folklor evinin direktoru Günel Melikova açıb və kino günü ilə bağlı tədbir iştirakçılarını məlumatlandırıb. Folklor evinin mədəni təşkilatçısı Bəsdi Camalova milli kinomuzunda ruhumuzu, milli adət-ənənələrini özündə əks etdirməsindən söz açıb. Sonra Azərbaycanda ilk səsli film olan “Azərfilm"in 1935-ci ildə çəkdiyi “Mavi dənizin sahilində” bədii filmi nümayiş olunub.
Qeyd edək ki, Azərbaycan milli kinosunun yaranma günü 2 avqust 1898-ci il sayılır. Məhz bu gün fotoqraf Aleksandr Mişon lentə aldığı "Bibiheybətdə neft fontanı yanğını", "Əlahəzrət Buxara əmirinin yolasalma mərasimi", "Qafqaz rəqsi" xronikal sənədli və "İlişdin" adlı bədii süjetlərin müstəqil nümayişini təşkil edib.
18 dekabr 2000-ci il tarixində Azərbaycan Respublikasının Prezidenti Heydər Əliyevin Sərəncamı ilə 2 avqust tarixi kino işçilərinin peşə bayramı və Azərbaycan Kinosu Günü elan edilib.
