Bu gün, 4 avqust tarixində astaralı igid, Azərbaycan Silahlı Qüvvələrinin giziri, Vətən müharibəsi şəhidi İlkin Kazımovun mövlud günüdür.
İlkin Xanməmməd oğlu Kazımov 1995-ci ildə Astara rayonunun Artupa kəndində dünyaya gəlib. Vətən müharibəsi zamanı, 28 sentyabr tarixində Suqovuşan uğrunda gedən döyüşlərdə qəhrəmancasına şəhid olub. Ailəli idi. İki övladı Vətənə əmanət qalıb.
Kazımov ölümündən sonra “Vətən uğrunda”, “Suqovuşanın azad olunmasına görə” və “Laçının azad olunmasına görə” medalları ilə təltif olunub.
