Biləsuvar rayonunda yanğın hadisəsi baş verib.
Cenublu.az xəbər verir ki, hadisə şəhərin PMK adlanan yaşayış massivində qeydə alınıb.
İkimərtəbəli yaşayış binasının 2-ci mərtəbəsində yerləşən Xatirə Əliyevaya məxsus ümumi sahəsi 35 kvadratmetr olan 2 otaqlı mənzildə qəfil yanğın başlayıb. Hadisə yerinə Biləsuvar rayon Yanğından Mühafizə Hissəsinin texnikaları və canlı qüvvəsi cəlb olunub, yanğın söndürülüb.
Yanğın zamanı mənzildə xəstə olan iki nəfər yanğından xilas olunub, xəsarət alan olmayıb.
Faktla bağlı araşdırma aparılır.
