Astara rayonunun üç kəndinin sel və daşqın sularından mühafizəsi ilə bağlı tədbirlər həyata keçiriləcək.
Cenublu.az -a Azərbaycan Dövlət Su Ehtiyatları Agentliyindən verilən məlumata görə, agentliyin tabeliyində fəaliyyət göstərən Tikilməkdə Olan Obyektlərin Müdiriyyəti Siyəkü, Pensər və Şiyəkəran kəndlərində yaşayış evlərinin, həyətyanı və təsərrüfat sahələrinin sel və daşqın sularından qorunması məqsədilə hazırlıq işlərini yekunlaşdırıb.
Məlumata görə, elan edilmiş tenderin qalibi olan "Teymur-M" şirkəti sözügedən işlərin icrası üçün 2 milyon 41 min manat məbləğində təklif irəli sürüb.
Hazırda təqdim olunan təklif dəyərləndirilir və yaxın günlərdə müqavilənin imzalanacağı gözlənilir.
