Astaralı müəllim "Azərbaycan-Türkiyə Müəllimlərinin Yay Düşərgəsi" layihəsində iştirak edib. Bu haqda məlumatı 1 avqust tarixində Astara Şəhər 1 Saylı məktəbin Facebook səhifəsinə istinadən veririk.
Belə ki, sözügedən məktəbin ingilis dili müəllimi Rzazadə Babək Tarif oğlu Türkiyənin Bursa şəhərində "Azərbaycan-Türkiyə Müəllimlərinin Yay Düşərgəsi" layihəsinə qatılıb. Layihədə İbrahim Halil Demir, Özlem Çelik Gürbüz, Akif Seven və s. təlimçilər çıxış ediblər. Sonda Babək Rzazadə fəal iştirakına görə sertifikatla təltif olunub.
Qeyd edək ki, layihə 23-30 iyul tarixlərində Azərbaycan Gənc Müəllimlər Assosiasiyası və Bursa Azərbaycan Həmrəylik və İnnovasiya Dərnəyinin təşkilatçılığı ilə baş tutmuşdur.
