Fövqəladə Hallar Nazirliyi Dövlət Yanğın Nəzarəti Xidməti Astara rayonunda yerləşən taxıl və meşə sahələrində “Yay mövsümündə yanğın təhlükəsizliyi tədbirləri” mövzusunda tədbir keçirib. Bu haqda məlumatı Cenublu.az bu gün, 2 avqust tarixində Fövqəladə Hallar Nazirliyinə istinadən verir.
Maarifləndirmə tədbirində aidiyyəti qurumların nümayəndələri, sahibkarlar və meşə təsərrüfatı mərkəzlərinin əməkdaşları iştirak ediblər.
Tədbirdə, həmçinin dənli və texniki bitkilərin yığılması, daşınması, saxlanması və emalı dövründə yanğın təhlükəsizliyi qaydalarına əməl olunması, o cümlədən meşəətrafı ərazilərdə şumlama yolu ilə yanğına qarşı zolaqların salınmasının vacibliyi vurğulanıb. Eyni zamanda kənd təsərrüfatı texnikalarının ilkin yanğınsöndürmə vasitələri ilə təmin edilməsi, yanğınsöndürmə texnikalarının su ehtiyatının bərpası üçün təbii su hövzələrindən suyu götürməsinə şəraitin yaradılmasına dair tələblər diqqətə çatdırılıb.
