Astara rayonunda "Bilici" intellektual oyunu üzrə Respublika turniri keçirilib. Bu haqda məlumatı Cenublu.az 1 avqust tarixində Astara Rayon Gənclər və İdman idarəsinə istinadən verir.
Sərhəd Qoşunlarının yaradılmasının 103 illiyinə həsr olunmuş turnir 16-29 yaşlı gənclər arasında keçirilib. Tədbir Astara Olimpiya İdman Kompleksində baş tutub. Yarışda respublikanın 10 rayonu iştirak etməklə, ümumilikdə 8 komanda mübarizə aparıb. Yarış üç mərhələdən - seçim, yarımfinal və final mərhələlərindən ibarət olub.
Mübarizənin sonunda:
I-ci yerə "Cavanlar-2";
II-ci yerə "İgidlər-1";
III-cü yerə isə "Şahinlər-1" və "İgidlər-2" komandaları layiq görülüblər.
Fəxri yerləri tutan komandaların qazandığı bal düşərgə yarışmalarında qazandıqları ballara əlavə ediləcək və düşərgənin yekununda qalib komandalar, eləcə də fərqlənən gənclər mükafatlandırılacaqlar.
