Astara rayon MM Pensər kənd folklor evinin təşkilatçılığı ilə "Şairlərimizi tanıyaq, tanıtdıraq" adlı tədbir keçirilib. Bu haqda məlumatı Cenublu.az bu gün, 3 avqust tarixində Folklor Evinə istinadən verir.
Tədbirdə Z.Əhmədzadə adına Astara rayon Pensər kənd 2 saylı tam orta məktəbinin direktoru, AYB-nin üzvü, şair Faiq Həsənov, şair Nəriman Azəri, şair Şahid Astaralı, Pensər kənd folklor evinin əməkdaşı, şair Bəsdi Camalova iştiak ediblər. Şairlər öz sənət və yaradıcılığı haqqında məlumat verib, şeirlərindən nümunələr səsləndiriblər.
Tədbirdə bəstəkar Elmir Mədətoğlu, kənd sahə xəstəxanasının baş həkimi Şirvan İsayev və kitabxananın müdiri Nuridə Babayeva çıxış edərək keçirilən tədbiri yüksək qiymətləndiribdilər.
Həmçinin tədbirdə tamaşaçılar arasında məktəblilərlə yanaşı, qonşu mədəniyyət müəssisələrinin - Siyaku kənd folklor evi, Təngərüd kənd diyarşünaslıq evi, Kakalos kənd folklor evinin əməkdaşları da yer alıblar.
Sonda Folklor evinin direktoru Günel Melikova bu layihənin davamlı olması və daha geniş şəkildə keçirilməsinin vacibliyini diqqətə çatdırıb.
