Astara rayon MM Pensər kənd Folklor Evində Birinci Qarabağ müharibəsinin qazisi, birinci qrup əlil, Pensər kənd sakini İqbal Əbdülrəhim oğlu Mursəlovla görüş keçirilib. Bu haqda məlumatı Cenublu.az bu gün, 30 iyul tarixində Folklor Evinə istinadən verir.
Görüşdə Pensər kənd icra nümayəndəsinin müavini Sevil Mehrəliyeva, kənd kitabxanasının müdiri Nuridə Babayeva, Kakalos kənd Folklor evinin metodisti Elvin Məlikov, kənd sakini Fuad Mehrəliyev və bir qrup şagirdlərin iştirakı ilə baş tutub.
Öncə şəhidlərin xatirəsi bir dəqiqəlik sükutla yad edilib. Çıxış edənlər İqbalın timsalında bütün qazilərə can sağlığı arzulayıblar. “Fədai” medalı ilə təltif olunan İqbal Mursəlov keçdiyi şərəfli döyüş yolundan söz açıb.
Sonra hərbi vətənpərvərlik mövzusunda çəkilən "Görünməyən qəhrəmanlar" sənədli filmi nümayiş olunub. Qəhrəmanımızın qardaşı İgid Mürsəlov mədəniyyət işçilərinə göstərdikləri diqqətə görə ailəsi adından təşəkkür edib.
Sonda qazi İqbal Mursəlovla xatirə şəkli çəkdirilib.
