Astarada "1 Avqust - Azərbaycan Əlifbası və Azərbaycan dili günüdür" başlığı altında tədbir baş tutub. Bu haqda məlumatı Cenublu.az bu gün, 1 avqust tarixində Astara Pensər Folklor Evinə istinadən verir.
Tədbir Folklor evində bir qrup məktəblinin və işçi heyətinin iştirakı ilə baş tutub. Görüşdə müəssisənin direktoru və əməkdaşları mövzu ilə bağlı çıxış ediblər. Onlar Azərbaycan dili gününün yaranma tarixi və bu günün ölkəmizdə qeyd olunmasının tarixi əhəmiyyətindən söz açıblar.
Sonda məktəblilər dil haqqında fikir və düşüncələrini bölüşüblər.
