İgidimiz Pəncəli Teymurovun doğum günüdür

Bu gün Aprel döyüşləri zamanı şəhadətə ucalmış igidimiz Pəncəli Teymurovun dünyaya göz açdığı gündür. 

Pəncəli Teymurov Nurməhəmməd oğlu 1981-ci il martın 24-də Astara rayonunun Əzərüd kəndində anadan olub. O, Astara rayonu B.Rüstəmov Asxanakəran tam orta məktəbində orta təhsil alıb. 1999-cu ildə hərbi xidmətə yollanan Pəncəli Teymurov hərbi xidmət zamanı kəşfiyyatçı peşəsinə yiyələnib və hərbi hissənin ən mahir kəşfiyyatçısı olub. Hərbi xidməti başa vurduqdan sonra Xüsusi Təyinatlı Qüvvələrin kəşfiyyatçı-diversant taboruna keçib və 17 il Azərbaycan ordusunda şərəflə xidmət edib.

Xüsusi təlimlərdə iştirak etmiş P.Teymurov “Qoca Qurd” ləqəbini qazanıb.

2016-cı il 2 aprel tarixində başlamış Aprel döyüşlərində iştirak edib. Çoxlu sayda düşməni məhv edən Teymur 3 aprel 2016-cı ildə qəhrəmancasına şəhid olub.

Təltifnamə və fəxri fərmanlarının sayının ucu-bucağı olmayan igid Pəncəli Teymurovun mükafatları:

1. Azərbaycan Silahlı Qüvvələrinin 10 illiyi yubiley medallı 25 iyun 2007-ci il;


2. Azərbaycan Respublikasının Silahlı Qüvvələrinin 90 illiyi medallı – 26 iyun 2008- ci il;


3. Azərbaycan Respublikasının Silahlı Qüvvələrinin 95 illiyi medallı 26 iyun 2013-cü il;


4. Qüsursuz Xidmətə görə 3-cü dərəcəli medallı 26 iyun 2010-cu il;


5. Qüsursuz Xidmətə görə 2-ci dərəcəli medallı 2 iyul 2014-cü il;


6. Türkiyə Cümhuriyyətinin Xüsusi Təyinatlı Qüvvlələrinin “Qızıl Bayraq” medallı 20 yanvar 2014-cü il;


7. Hərbi Xidmətdə Fərqlənməyə görə 3-cü dərəcəli medallı 17 fevral 2015-ci il;


8. “İgidliyə görə” medalı.