Masallı rayonunda ictimai iaşə obyektində pozuntular müəyyən edilib.
Cenublu.az xəbər verir ki, Qida Təhlükəsizliyi Agentliyi əməkdaşları tərəfindən Masallı rayonunun Mahmudavar kəndində yerləşən təndirxanada yoxlama keçirilib.
Yoxlama zamanı antisanitar şəraitdə fəaliyyət göstərən ictimai iaşə obyektində qida təhlükəsizliyi sahəsində normativ hüquqi aktların tələblərinin pozulduğu aşkarlanıb. Belə ki, obyektin sanitar-gigiyenik tələblərə cavab vermədən fəaliyyət göstərdiyi, sanitar-texniki vəziyyətin qənaətbəxş olmadığı, temperaturun monitorinqi və qeydiyyatının aparılmadığı, havalandırma sisteminin quraşdırılmadığı və digər tələblərin pozulduğu müəyyən edilib.
Aşkarlanmış nöqsanlarla bağlı inzibati protokol tərtib edilib, obyektin fəaliyyəti məhdudlaşdırılıb.
