İşsiz və işaxtaran şəxslər üçün Lənkəran və Astara rayonlarında əmək yarmarkası təşkil olunacaq.
Cenublu.az xəbər verir ki, Lənkəran-Astara Regional Məşğulluq filialının təşkilatçılığı ilə keçiriləcək yarmarkalarda işaxtaran vətəndaşlara mövcud vakansiyalar, iş öhdəlikləri və əmək şərtləri barədə ətraflı məlumat təqdim ediləcək. Namizədlərin yarmarkaya şəxsiyyət vəsiqəsi ilə gəlməsi mütləqdir, CV nümunəsi ilə iştirak etmələri isə arzuolunandır.
Əmək yarmarkası martın 11-də saat 10:00-da Astara rayonunun Kijəbə qəsəbəsində yerləşən Kijəbə qəsəbə Mədəniyyət Evində, martın 12-də isə saat 10:00-da Lənkəran rayonunun Hirkan qəsəbəsində yerləşən Hirkan qəsəbə inzibati ərazi dairəsi üzrə nümayəndəlikdə keçiriləcək.
