Lənkəran şəhərinin bir sıra küçələrində xəndəklər uzun müddətdir ki, təmizlənmir. Bu haqda məlumatı Cenublu.az bu gün, 25 may tarixində verir.
Belə ki, şəhərin Həzi Aslanov, Nizami (bir hissəsi) və Şəhidlər Xiyabanı, döngə 4 küçələrinin sakinləri bildirirlər ki, xəndəkdən gələn pis qoxu ətrafa yayılır.
“Nizami küçəsini təmizləməyə başlasalar da, ara küçələrdə işlər aparılmadı. Əsasən, Həzi Aslanov ilə Nizaminin kəsişməsində, Həzi Aslanov adına 3 saylı məktəbin qarşısında iydən keçmək mümkün deyil. Xahiş edirik aidiyyəti qurumlardan, bu küçələrə baxış keçirsinlər”, – deyə sakinlər bildirirlər.
