Lənkəran şəhəri Vagif Əliyev küçəsində yol yararsız haldadır. Bu haqda məlumatı bu gün, 30 noyabr tarixində Cenublu.az verir.
Sakinlər öz müraciətlərində bildiriblər ki, küçələrində asfalt örtüyü heç vaxt olmayıb. “İllərdir ki, bu hal davam edir. Hər yağış yağdıqda yol palçıq olur və gediş-gəliş çətinləşir. Payız və qış aylarını rezin çəkmələrdə keçiririk” – deyə sakinlərdən biri söyləyib.
“Yolda əmələ gələn çökəklikər su ilə dolur və yaza kimi qurumur. Avtomobil orada keçəndə piyadanın üst-başı palçıq olur. Ümüdvarıq ki, problem yaxın gələcəkdə həll olunacaq” – deyə digər sakin qeyd edib.
