Masallıdan olan güləşçi sərbəst və yunan-Roma güləşi üzrə U-20 Azərbaycan çempionatında uğurlu nəticə göstərməyə müvəffəq olub. Bu haqda məlumatı Cenublu.az bu gün, 30 mart tarixində Masallı rayon Gənclər və İdman İdarəsinə istinadən verir.
Belə ki, sərbəst güləş üzrə 97 kiloqram çəki dərəcəsində mübarizə aparan Zəfər Əliyev keçirdiyi üç görüşün hər birində rəqibi üzərində qələbə çalaraq qızıl medala sahib olub.
Qeyd edək ki, Zəfər Əliyev Masallı rayon Gənclər və İdman İdarəsi nəzdindəki Uşaq-Gənclər İdman Məktəbinin məşqçi-müəllimi Təhmasib İsayevin yetirməsidir.
