Lənkəran şəhərində Dövlət Bayraq Gününə həsr olunmuş atletika idman növü üzrə yarış baş tutub. Bu haqda məlumatı Cenublu.az bu gün, 6 noyabr tarixində verir.
Turnir Olimpiya İdman Kompleksində keçirilib. Burada kross qaçışı, 100 m qaçış və yerindən tullanma yarışları təşkil olunub.
Sonda I , II, III yerləri tutan idmançılara diplom və medallar təqdim olunub.
Tədbirin keçirilməsində məqsəd 9 Noyabr – Bayraq Gününü qeyd etmək, bədən tərbiyəsi və idmanın təbliği, yeniyetmə və gənclərin idmana marağını artırmaqdır.
Qeyd edək ki, turnir Lənkəran-Astara Regional Gənclər və İdman İdarəsinin və Lənkəran Olimpiya İdman Kompleksinin birgə təşkilatçılığı ilə həyata keçirilib.
