SON XƏBƏRLƏR

Ekologiya və Təbii Sərvətlər Nazirliyinin təşkilatçığı və BMT-nin dəstəyi ilə müsabiqə keçirilir.

Xəzər dənizini və ətraf mühiti qorumaq məqsədi ilə keçirilən müsabiqədə qalibləri mükafat gözləyir. “Xəzəri birgə qoruyaq” adlı videoçarx müsabiqəsinə start verilib.

Müsabiqənin mövzuları:

– dənizə çirkab suların axıdılmasın qarşısının alınması;

– sahil ərazilərində tullantıların düzgün idarə olunması;

– qanunsuz balıq ovu ilə mübarizə

Tələblər:

– İştirakçı 18 yaşdan yuxarı olmalıdır;

– Videoçarxda görüntülər aydın və keyfiyyətli çəkilməli, nitq səlis və ifadəli, jest, mimika, səs tonu aydın olmalıdır;

– Videoçarxın müddəti 3 dəqiqədən artıq olmamalıdır;

– Müsabiqəyə qoşulan iştirakçı yalnız bir videoçarx təqdim edə bilər;

– Hazırlanmış material şəxsin sosial şəbəkə səhifəsində paylaşılmalı, Ekologiya və Təbii Sərvətlər Nazirliyinin sosial şəbəkələrdəki səhifələri “tag” edilməli və müəllif tərəfindən izlənilməlidir. Paylaşım edilərkən #Xəzərgünü #Xəzəribirgəqoyaq #xəzərmüsabiqə həştəqlərindən istifadə olunmalıdır. Qiymətləndirmədə videoya baxış sayı da nəzərə alınacaq;

– Müsabiqə üçün hazırlanmış materiallar 20 sentyabr 2021-ci il tarixinədək [email protected] email ünvanına göndərilməlidir. Email-də müəllifin adı, soyadı, atasının adı, əlaqə vasitəsi qeyd olunmalıdır.

Təqdim olunan işlər aşağıdakı kriteriyalara əsasən seçiləcək:

– Videoçarxın texniki tələb və tövsiyələrə cavab verməsi;

– Mövzulara uyğun problemin və onun həlli yollarının yaradıcı şəkildə təqdim olunması;

– Çağırışların sadə, konkret, orijinal olması.

Müsabiqəyə müraciət üçün son tarix 20 sentyabrdır.

Qeyd etdiyimiz kimi qalibləri pul mükafatı gözləyir:

1-ci yer – 1500 AZN

2-ci yer – 1000 AZN

3-cü yer – 800 AZN