Astara rayonu üzrə ümumi təhsil müəssisələrində ödənişsiz və könüllü əsaslarla “Yay məktəbi”nin təşkilinə başlanılıb. Bu haqda məlumatı Cenublu.az bu gün, 18 iyun tarixində Lənkəran-Astara Regional Təhsil İdarəsinə istinadən verir.
30 iyun tarixinədək davam edəcək “Yay məktəbi” ərzində dərslərin sayı və qrafiki şagirdlərin yaş xüsusiyyətləri nəzərə alınmaqla müəyyən ediləcək.
“Yay məktəbi”nin təşkilində məqsəd pandemiya ilə əlaqədar son tədris illərində təlim prosesində yaranmış fasilələrin aradan qaldırılması, təhsil alanlara zəruri bilik və bacarıqların verilməsidir.
