Lənkəran rayonunun Mamusta kəndində “KəndimizMərkəzdə” layihəsi baş tutub. Bu haqda məlumatı Gənclərin İnkişaf və Karyera mərkəzinin Lənkəran nümayəndəliyi verib.
Tədbirdə GİKM-in fəaliyyətləri ilə bağlı foto və video formatında təqdimat olub. Daha sonra intellektual yarışma keçirilib və sualları düzgün cavablandıran gənclər hədiyyələr qazanıblar.
Həmçinin, tədbirdə GİKM-in Lənkəran nümayəndəliyinin sayca 7-ci qolu yaradılıb.
Qeyd edək ki, “KəndimizMərkəzdə” layihəsi Lənkəran Şəhər İcra Hakimiyyətinin, Lənkəran Regional Mədəniyyət İdarəsinin dəstəyi ilə və “Farah Printshop”un sponsorluğu ilə keçirilir.
