Gənclərin İnkişafı və Karyera Mərkəzi Astara nümayəndəliyinin gəncləri gələcəyə töhvə verəcək layihəyə start veriblər. Bu haqda mərkəzin rəsmi Facebook səhifəsində paylaşılıb.
Onların yaratdığı “1 kitab = 1 gələcək” layihəsinin məqsədi ucqar kəndlərdə yaşayan gənclər üçün kitab köşkü yaratmaqdır.
Layihənin əsas məqsədləri kəndlərdə yaşayan və inkişafı üçün çalışan, lakin kitab, dərslik, test vəsaitləri almağa imkanı çatmayan gənclərə dəstək ola bilməkdir.
İlk dayanacaqları Astaranın Sım kəndi olub. Kənddə layihə Pəlikəş Bələdiyyəsinin sədri Nicat Qafarovun təşkilati dəstəyi ilə həyata keçirilib.
Əgər siz də bu layihədə gənclərin inkişafında iştirak etmək istəyirsinizsə kitabları, “Astara Gəncləri”-nin Facebook səhifəsinə müraciət edərək, göndərə bilərsiniz.
