Noyabr ayı üzrə “Sirlər Xəzinəsi” intellektual müsabiqəsi başlayıb. Bu haqda məlumatı Lənkəran Regional Mədəniyyət idarəsi verib.
22-26 noyabr tarixlərini əhatə edəcək müsabiqənin sualları hər gün GəncApp mobil tətbiqi üzərindən bildiriş vasitəsilə saat 21:00-da göndəriləcək. Suallara doğru cavab verən gənclər isə qoyulmuş qaydalara əsasən xallar toplayacaq.
Xalların hesablanması aşağıdakı qaydada aparılacaq. Doğru cavabı qeyd edən ilk 5 gənc:
1-ci doğru cavab – 10 xal
2-ci doğru cavab – 8 xal
3-cü doğru cavab – 6 xal
4-cü doğru cavab – 4 xal
5-ci doğru cavab – 2 xal
Sonrakı doğru cavablara görə hər iştirakçı 1 xal qazanır.
Müsabiqənin yekununda ən çox xal toplayan 3 gənc qalib seçiləcək. Qalibləri dəyərli hədiyyələr gözləyir!
Müsabiqənin şərtləri:
– GəncApp mobil tətbiqini yükləməlisiniz;
– Sualı təqdim edildiyi vaxtdan 60 dəqiqə müddətində cavablandırmalısınız;
– Müsabiqədə 16-29 yaş aralığında gənclər iştirak edə bilər.
Qeyd edək ki, Azərbaycan Respublikası Mədəniyyət Nazirliyi və Azərbaycan Gənclər Fondu tərəfindən GəncApp mobil tətbiqi üzərindən təşkil edilən müsabiqə il sonunadək davam edəcəkdir.
