Gənclərin İnkişaf və Karyera mərkəzinin (GİKM) Astara nümayəndəliyi 15-21 noyabr tarixləri üçün həftəlik planı bu gün, 15 noyabr tarixində təqdim edib.
Belə ki, 15 noyabr saat 15:00-da “Start it” layihəsi çərçivəsində “Microsoft word” üzrə təlim keçiriləcək. 16 noyabr saat 15:00-da “Təcrübə üçün səfər et” – Dövlət Aqrar İnkişaf mərkəzinə ekskuriya baş tutacaq.
17 noyabr saat 15:00-da “Müzakirə klubu”- “Stereotiplər həyatımıza necə təsir edir?” mövzusunda müzakirə keçiriləcək. 18 noyabr saat 19:00-da “Uğurunu paylaş” – Aynurə Salmanlı ilə görüş baş tutacaq.
18 noyabr saat 15:00-da BİL – “Birlik” İntellekt Liqası, 19 noyabr saat 11:00-da isə “ƏbidlərimİZ” – Barat Əlizadə ilə görüş keçiriləcək.
