2021-cı ilin 12 ayı ərzində Masallıda sənayedə çalışan muzdlu işçilərin orta siyahı sayı 3114 nəfər təşkil edib. Bu haqda məlumatı Masallı rayon İcra Hakimiyyəti verib.
Onların 3 nəfəri mədənçıxarma, 2773 nəfəri emal, 211 nəfəri elektrik enerjisi, qaz və buxar istehsalı, bölüşdürülməsi və təchizatı, 127 nəfəri isə su təchizatı, tullantıların təmizlənməsi və emalı bölmələrində çalışıb.
Həmin dövrdə sənayedə işləyənlərin orta aylıq əməkhaqqı ötən ilin müvafiq dövrü ilə müqayisədə 346.9 manatdan 351.0 manata çatıb. Əməkhaqqı mədənçıxarma sənayesində 250.0 manatdan 278.3 manata, emal sənayesində 325.8 manatdan 332.1 manata, elektrik enerjisi, qaz və buxar istehsalı, bölüşdürülməsi və təchizatı sektorunda 528.1 manatdan 586.0 manata, su təchizatı, tullantıların təmizlənməsi və emalı sektorunda isə 367.1 manatdan 374.3 manata qədər artırılıb.
