Qida Təhlükəsizliyi Agentliyinin əməkdaşları Saatlı rayonunun Fətəlikənd kəndində fəaliyyət göstərən, "BFT Cheesella" MMC-yə məxsus süd və süd məhsullarının emalı müəssisəsində yoxlama keçiriblər.
Cenublu.az xəbər verir ki, baxış zamanı müəssisədə qida məhsullarının etiketində məlumatların tam və dolğun göstərilmədiyi müəyyən edilib. Bundan əlavə, yağ hazırlanma bölməsində havalandırma sisteminin qurulmadığı, həmçinin temperaturun monitorinqi və qeydiyyatının aparılmasına dair jurnalın yoxlama zamanı təqdim edilmədiyi aşkarlanıb.
Aşkar olunmuş nöqsanlarla bağlı müəssisənin səlahiyyətli nümayəndəsi inzibati məsuliyyətə cəlb edilib, eyni zamanda çatışmazlıqların aradan qaldırılması üçün icrası məcburi göstərişlər verilib.
