Masallı şəhərində fəaliyyət göstərən ət satışı obyektində yoxlama zamanı bir sıra pozuntular müəyyən edilib.
Cenublu.az xəbər verir ki, Qida Təhlükəsizliyi Agentliyinin əməkdaşları şəhərin 20 Yanvar küçəsində yerləşən, Kişiyev Sübhi Firudin oğluna məxsus mağazada yoxlama keçirib.
Baxış zamanı qida təhlükəsizliyi sahəsində normativ hüquqi aktların tələblərinin pozulduğu aşkarlanıb. Belə ki, ət məhsullarının obyektdən kənarda, yol kənarında satıldığı müəyyən olunub. Eyni zamanda mağazada sanitar-texniki vəziyyətin qənaətbəxş olmadığı, temperaturun monitorinqi və qeydiyyatının aparılmadığı, müvafiq təmizlik işlərinin görülmədiyi məlum olub.
Faktla bağlı inzibati protokol tərtib edilib və qanunvericiliyə uyğun müvafiq tədbirlər görülüb.
