Lənkəranın Sütəmurdov kəndində fəaliyyət göstərən toyuq kəsimi müəssisəsində yoxlama zamanı bir sıra ciddi qayda pozuntuları aşkarlanıb.
Cenublu.az xəbər verir ki, Azərbaycan Respublikasının Qida Təhlükəsizliyi Agentliyinin (AQTA) əməkdaşları Hüseynov Rüfət Almas oğluna məxsus müəssisədə yoxlama keçiriblər.
Yoxlama zamanı obyektin müvafiq icazə olmadan fəaliyyət göstərdiyi, diri quşların müşayiətedici sənədlərinin olmadığı və quşların antisanitar şəraitdə, baytarlıq-sanitariya nəzarəti olmadan kəsildiyi müəyyənləşib. Həmçinin digər sanitar-gigiyenik və sanitar-texniki tələblərin pozulduğu aşkarlanıb.
Məhsullardan nümunələr götürülərək laborator müayinələrə göndərilib. Müəssisənin fəaliyyəti məhdudlaşdırılıb, rəhbərliyi barəsində isə inzibati protokol tərtib edilib.
