Lənkəran şəhərində kanalizasiya və suötürücü kanalların təmizlənməməsi sakinlərin narazılığına səbəb olub.
Cenublu.az xəbər verir ki, şəhərin Hacı Zeynalabdin Tağıyevin adını daşıyan küçəsində suötürücü və selötürücü kanallar uzun müddətdir təmizlənmir. Sakinlərin sözlərinə görə, illərdir lil və palçıqdan təmizlənməyən kanalların ətrafında güclü üfunət yaranıb və həmin ərazidən keçmək çətinləşib.
Bildirilib ki, kanalın bəzi hissələrinə məişət tullantıları da atılır. Bu isə suyun kanallardan rahat axmasına mane olur. İntensiv yağışlar zamanı kanallar dolur və su həyətlərə axır.
Sakinlər aidiyyəti qurumlardan xəndəklərin təmizlənməsi və problemin aradan qaldırılması üçün tədbir görülməsini xahiş edirlər.
