Lənkəranın “Pambəhi” istirahət mərkəzinin sahibi barəsində cinayət işi başlanıb. Bu haqda bu gün, 20 avqust tarixində məlum olub.
İstirahət mərkəzinin sahibi Firad Həbibov hüquqi şəxs yaratmadan Osaküçə meşəbəyliyinin 10 saylı dolayında 40 və 60 sm diametrli 2 ədəd ağacı qanunsuz şəkildə kəsib. Nəticədə meşəbəyliyə 13.000 manat məbləğində maddi ziyanın dəyməsi müəyyən edilib.
Faktla bağlı cinayət işi başlanıb.
Hazırda istintaqı aparılan cinayət işi üzrə ətraf mühitə vurulmuş ziyanın ödənilməsinin təmin edilməsi və nəticələrinin aradan qaldırılması istiqamətində zəruri tədbirlər davam etdirilir.
