Məşhur türk cərrah, travmatoloq-ortoped Hasan Dermesin Masallıda yerləşən “Bioloji Təbabət” klinikasında daimi əsaslarla işləməyə başlayacaq. Bu haqda məlumatı Cenublu.az bu gün, 26 sentyabr tarixində verir.
30 ilə yaxındır ki, Türkiyənin müxtəlif xəstəxanalarında çalışan cərrah, 1 oktyabr tarixindən etibarən “Bioloji Təbabət” klinikasında fəaliyyətə başlayacaq.
2000-dən çox protez əməliyyatı yerinə yetirən Hasan Dermesinin yüzlərlə cərrahın yetişməsində əməyi olub. Onun yanında assistentlik edən həmyerlilərimiz hazırda Türkiyədə və ölkəmizdə yerləşən müxtəlif xəstəxanalarda travmatoloq-ortoped kimi çalışırlar.
Qeyd edək ki, Cənub zonasında ilk dəfə olaraq Türkiyədən olan təcrübəli həkim daimi əsaslarla işə başlayacaq. Həmçinin yaxın zamanlarda cənub regionunun ən genişmiqyaslı “Travma Mərkəzi”nin qurulacağı gözlənilir.
