Masallı rayonunda qanunsuz olaraq ov edən 2 nəfər rayon sakini saxlanılıb. Bu haqda məlumatı Cenublu.az bu gün, 10 noyabr tarixində Report.az-a istinadən verir.
Belə ki, rayon Polis Şöbəsinin əməkdaşları qanunsuz ovun, mülki silahın daşınması qaydalarının pozulması hallarının qarşısının alınması məqsədilə tədbirlər keçiriblər. Nəticədə rayon sakinləri İ.Fərəcullayev və A.Əkbərovun üzərində sənədi olmayan 2 ədəd ov tüfəngi, ov zamanı istifadə olunan müxtəlif alətlər və qanunsuz olaraq ovladıqları çöl quşları aşkar edilib.
Qeyd edək ki, bundan əlavə, rayon ərazisində qanunsuz olaraq silah-sursat saxlanılması ilə bağlı həyata keçirilən əməliyyat tədbirləri nəticəsində 2 rayon sakinindən ov silahları tapılaraq müsadirə edilib.
Faktlar üzrə araşdırmalar aparılır.
