Masallıda “Azəriqaz” İB tərəfindən “Açıq mikrofon” aksiyası keçirilib. Bu haqda məlumatı Cenublu.az bu gün, 24 noyabr tarixində Azertac-a istinadən verir.
Aksiya zamanı Əzizabad, Xəlifələr, Yeni Zuand, Rüdəkəran və Nəzəroba kəndlərindən olan sakinlər yaşadıqları məntəqələrin təbii qazla təmin olunması üçün Birlik rəhbərliyinə müraciətlərini ünvanlayıblar.
Belə ki, sakinlər aksiyada mexaniki tipli qaz sayğacının smart-kart tipli qaz sayğacı ilə əvəz olunması, qaz sayğacının yerinin dəyişdirilməsi, orta məktəbə təbii qazın açılışının təmin olunması və sair məsələlərlə bağlı müraciətlər səsləndiriblər.
Ünvanlanan bütün müraciətlər araşdırılması üçün qeydə alınıb.
