Masallı şəhərində yerləşən Xətai parkında aparılan abadlıq-quruculuq işləri tamamlanıb. Bu haqda məlumatı Cenublu.az bu gün, 28 iyun tarixində Masallı rayon İcra Hakimiyyətinə istinadən verir.
Belə ki, abadlıq-quruculuq işləri çərçivəsində parkın giriş hissəsində qala formasında hasarlama işləri aparılıb, gəzinti yollarının kənarlarına bordürlər düzülüb, üzlük daşlar yenilənib, söhbətgahlar və oturacaqlar quraşdırılıb. Həmçinin müxtəlif təyinatlı bir neçə kiçik iaşə obyektləri istifadəyə verilib.
Parkda müxtəlif növ bəzək kolları əkilib, müasir suvarma və işıqlandırma sistemləri qurulub.
