SON XƏBƏRLƏR

Masallı rayon Qəzvinoba kəndində yerləşən 140 yerlik ümumi orta məktəbin binası qəzalı vəziyyətdə olduğundan şagirdlər kənd bələdiyyəsinin balansında olan və istifadədə olmayan inzibati binada təhsillərinə davam edəcəklər. Bu haqda məlumatı Cenublu.az bu gün, 22 sentyabr tarixində Masallı xəbərlərinə istinadən verir.

Belə ki, kənd bələdiyyəsinin balansında olan bina kənd sakinləri və xeyriyyəçilər tərəfindən təmir olunaraq artıq şagirdlərin istifadəsinə verilib.

Masallı rayon icra hakimiyyətinin başçısı Araz Əhmədov, hüquq-mühafizə orqanlarının rəhbərləri, Türkoba ərazi nümayəndəsi Leyla Əzizova və ictimaiyyət nümayəndələri sözügedən məktəbin təmirdən sonrakı vəziyyəti ilə tanış olublar.