Masallı rayonu Böyük Xocavar kənd həkim məntəqəsi acınacaqlı vəziyyətdədir. Bu haqda məlumatı Cenublu.az bu gün, 19 may tarixində Oxu.az-a istinadən verir.
1950-ci illərdə tikilən tibb məntəqəsi Banbaşı, Böyük Xocavar və Binə Xocavar sakilərinə xidmət üçün nəzərdə tutulub. Lakin məntəqə bu vəziyyətdə olduğundan, sakinlər məcburən digər kəndlərə və ya şəhərə üz tutmalı olurlar.
Həmçinin, Böyük Xocavar kəndində aptekin olmaması sakinlər üçün çətinlik yaradır. Köhnədən qalan bir aptek binası olsa da, onun yarı hissəsi bərbərxana kimi fəaliyyət göstərir, digər yarısı isə qəzalı vəziyyətdəir və işləmir. Kənd sakinləri adi bir dərman üçün belə 10 km yaxın yol getməyə məcbur olurlar.
Məsələ ilə bağlı Masallı Rayon Mərkəzi Xəstəxanasına müraciət olunub. Xəstəxananın rəsmisi Eşqin Əliyev bildirib ki, binanın qəzalı olması ilə əlaqədar aidiyyəti qurumlara məlumat verilib, müvafiq tədbirlər görüləcək.
